Konflikti nisi 3 ditë më parë, detaje nga ngjarja me 2 viktima

Konflikti mes Armand Gosës dhe Sali Rexhës, dy personave që mbetën viktimë pasditen e kësaj të mërkure në Kavajë, ka nisur 3 ditë më parë.

Ata u takuan sërish sot për t’u sqaruar, por fillimisht nisi konflikti verbal që më pas çoi në përdorimin e armës dhe thikës.

Armand Gosa njihej si një konsumues i alkoolit dhe  ka pasur edhe më parë konflikte me persona të tjerë.

E tillë ka qenë edhe skena gjatë pasdites së sotme. Kanë qenë pikërisht ngacmimet që Edmond Gosa ka bërë kundrejt Sali Rexhës, kanë sjellë precipitimin e konfliktit, deri në përdorimin e armëve.

Fillimisht, pasi ka ecur për disa hapa në këtë zonë, Edmond Gosa ka qëlluar me thikë Sali Rexhën.

Pastaj ky i fundti me armë. Por plagët që kanë marrë secili prej tyre, i kanë marrë jetën të dyve.