Ministri i Jashtëm francez Jean-Yves Le Drian do të zhvillojë një takim me Sekretarin e Shtetit të Shteteve të Bashkuara Antony Blinken më 5 tetor, pasi të dy vendet synojnë të rindërtojnë marrëdhëniet diplomatike.
Mediet e huajanë shkruajnë se sipas njoftimit të publikuar nga Ministria e Jashtme franceze, takimi do të bëhet për të identifikuar hapat e vendosjes së besimit.
“Të dy ministrat do të zhvillojnë bisedime të thelluara, pas takimit të tyre në Nju Jork më 23 shtator, me qëllim identifikimin e hapave që do të nevojiten për të rivendosur besimin midis dy vendeve tona. Siç tha ministri në Nju Jork, dalja nga kjo krizë do të marrë kohë dhe do të ketë nevojë për veprime të forta,” tha zëdhënësja e Ministrisë së Jashtme Franceze, Anne-Claire Legendre.
Marrëdhëniet diplomatike midis Shteteve të Bashkuara dhe Francës prekën fundin muajin e kaluar, pasi Australia anuloi një marrëveshje miliarda dollarë të nëndetëseve të dizajnuara nga Franca, për të ndërtuar të paktën tetë nëndetëse me energji bërthamore me teknologjinë amerikane dhe britanike.
