(VIDEO) Konflikti për pronën në Klos/ Vajza publikon pamjet e dhunës, reagon policia

Qytetarja Dafina Alla ka bërë denoncuar një ngjarje të rëndë që ka ndodhur në zonën e Klosit. Sipas deklaratës së saj, disa punonjës të policisë së Klosit kanë cenuar pronën e saj dhe më pas e kanë dhunuar dhe trajtuar në mënyrë të padrejtë gjatë kohës që ajo ndodhej aty.

Ajo thekson se deri më tani nuk ka marrë zgjidhje nga institucionet përkatëse, ndaj ka vendosur ta bëjë publik rastin dhe t’u bëjë thirrje mediave dhe autoriteteve që ta hetojnë ngjarjen.

“Kërkoj që rasti im të merret seriozisht dhe e vërteta të dalë në dritë. Jam e gatshme të paraqes çdo provë që kam dhe të jap sqarime të mëtejshme për këtë ngjarje,” shprehet qytetarja.

Njoftimi i policisë:

Specialistët për Hetimin e Krimeve në Stacionin e Policisë Klos referuan materialet në Prokurori, ku nisi procedimi penal ndaj shtetasit G. A., 62 vjeç, banues në fshatin Bershi, Klos, i dyshuar për kryerjen e veprës penale “Vetëgjyqësia”.

Procedimi penal filloi pas kallëzimit të bërë nga shtetasi Z. A., 65 vjeç, se më datë 11.03.2026, 62-vjeçari i ka bllokuar rrugën mjeteve bujqësore që e çojnë drejt pronës së tij.

Ndërkohë, në lidhje me këtë rast, ditën e djeshme shtetasja Dafina Alla, vajza e shtetasit G. A., nëpërmjet një videoje të publikuar në disa rrjete sociale ka pretenduar se është dhunuar nga shërbimet e

Në lidhje me këtë pretendim sqarojmë se shërbimet e Policisë kanë ndërhyrë me qëllim parandalimin e një konflikti fizik të mundshëm mes shtetasit G. A. (së bashku me pjesëtarët e familjes së tij) dhe shtetasve Z. A. dhe V. Sh, që po konfliktoheshin me fjalë dhe në asnjë moment shërbimet e Policisë nuk kanë ushtruar dhunë.

Gjithashu sqarojmë se në lidhje me këtë konflikt pronësie, nga ana e shërbimeve të Stacionit të Policisë Klos janë kryer disa herë veprime hetimore dhe materialet për personat e përfshirë i janë referuar Prokurorisë Dibër.

Si dhe për çdo rast është vënë në dijeni dhe është kërkuar ndërhyrja edhe e Bashkisë Klos.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.