Kongresi i Partisë Socialiste ka nisur punimet në pesë panele të ndryshme, ku secili prej tyre drejtohet nga ministrat përkatës dhe përfaqësues të lartë të PS duke krijuar një kakofoni në komunikim.
Në pesë panele që shfaqen në një ekran të vetëm, secili nga funksionarët ka përpara “elektoratin” e tij, ku siç deklaroi kreu i grupit parlamentar Taulant Balla, dëgjuesit duhet të jenë kritikë.
Por, ajo që bie në sy është se kush do të dëgjohet nga panelet e vendos regjia e kryeministrit pra në momentin që dikush nga qytetarët mund të kenë kritika, fjala mund të kalojë nga Taulant Balla tek Belinda Balluku apo tek dikush tjetër nga ministrat.
Sipas panelit, sektorin e Bujqësisë ka zgjedhur ta drejtojë Taulant Balla, ku shihen njerëz të ulur mbi kashtë, dhe ku sipas kreut të grupit parlamentar do të flitet hapur për shumëçka. Paneli për sigurinë, rajonin dhe Europën drejtohet nga ministrja e jashtme Olta Xhaçka. Ndërkohë që panelin për Energjinë, Mobilitetin, Mjedisin e drejton ministrja Belinda Balluku.
Discussion about this post