“Kongresi i PS-së tregon që pushteti ka rënë në duart e drogës dhe krimit”, kështu është shprehur deputeti demokrat Flamur Noka.
Me anë të një postimi në Facebook, Noka shkruan se Rilindja ka hyrë në agoni dhe se sot nuk ka folur fare për krizën ekonomike që ka pllakosur vendin.
“Kongresi i sotëm i PS tregoi që pushtetit të drogës , të krimit dhe korrupsionit po i vjen fundi. Rilindja ka hyrë në agoni. Asnjë diskutim për krizën e rëndë ekonomike që ka pllakosur vendin dhe po rrënon shqiptarët Asnjë fjalë për të ringjallur ekonominë. Edi Rama nuk foli asnjë fjalë për rritje rrogash e pensionesh, asnjë fjalë ulje taksash apo heqje akcizash , asnjë fjalë për të lehtësuar barrën shoqërisë shqiptare. Në vend që të jepte shpresë dhe optimizëm , Edi Rama bënte sikur po i paralajmëronte me tundje prangash bashkëpunëtorët e tij me shpresën se do të ngopte shqiptarët me lugën bosh. I tmerruar ngaqë korrupsioni i tij dhe bandës që drejton që po kutërbon dynjanë, Edi Rama kërciti dhëmbët drejtësisë për të treguar se ai është i paprekshëm”, shkruan Noka.
Gjithashtu Noka shkruan se shqetësimi i vetëm që ka Rama është se nuk kontrollon dot Partinë Demokratike.
“Shqetësim i vetëm që Edi Rama kishte ishte PD që tashmë se komandon dhe kontrollon dot. Dukej i tmerruar që PD po bashkohet , që po ringrihet ..dhe i pashpresë për përballje kërciste dhëmbët duke siluruar PD dhe opozitën. Edi Rama sot kërkoi që drejtësia t’i shërbente si kamzhik politik për kundërshtarët me qëlimin për të shpëtuar ai vet nga fundi i tij i pashmangshëm para drejtësise si kryeministri më i korruptuar i Evropës. Edi Rama tentoi të paralajmëronte edhe skenare destabiliteti vetëm e vetëm të shpëtonte lëkurën e tij .. Opozita dhe Partia Demokratike kanë vetëm 1 detyrë: të bashkohen, të ringrihen për të shkurtuar jetën e regjimit më të korruptuar në këto 30 vjet. Kjo ditë e shumëpritur për shqiptarët po vjen”, shkruan Noka.
Discussion about this post