Në puntatën e sotme të “Për’puthen” është transmetuar takimi i konkurrentes së re, Çiljetës dhe Mevlanit. Gjatë takimit Mevlani interesohet më tepër për të shkuarën e Çiljetës, por ajo vendosi që ta tregojë historinë e saj në studio.
Ajo u shpreh se mes saj dhe ish-bashkëshortit u përfshi një person i tretë. Kjo gjë më pas çoi edhe në divorcin e tyre. Çiljeta tregon se që pas njohjes me vajzën tjetër, ish-bashkëshorti i saj nuk e ka parë më fëmijën e tyre. Pas gjithë këtyre gjërave ajo ende e cilëson ish-bashkëshortin e saj si një person me “zemër të bardhë”.
Çiljeta: Ishim një familje shumë e lumtur. Ish-bashkëshorti im nuk ka qenë shqiptar, ka qenë italian. Dhe duke ardhur nga Italia në Shqipëri, duke njohur mentalitetin e Shqipërisë bënte shumë për të tjerët dhe normalisht as ekonomia nuk na ka munguar. Kjo pjesë e shkaktoi ndarjen, jeta e natës. Dikush tjetër u fut në mes. Arritëm deri në atë pikë sa as gocën nuk e shikonte dhe këtë gjë unë nuk e fal dot. Kemi arritur deri sa jemi zënë. Më vjen keq dhe pse ndonjëherë nuk dua ta hedh poshtë. Nuk e zë askush vendin e vet. Por fëmija është gjëja më e rëndësishme në jetë, nuk mund të hidhet asnjëherë në botë. E dashura mund të iki, por fëmija nuk mund të iki asnjëherë.
Arjani: Një njeri që nuk njeh fëmijën e tij, nuk mund të idealizohet. Fajin e kanë ata që tradhtojnë. Nuk të ka faj as personi me të cilin është lidhur dhe as fëmija, mos u përpiq ta idealizosh.
Çiljeta: Ai e zgjodhi këtë situatë, por unë i dhashë leje që të shkojë. Unë jam shumë okay në momentet që kam kaluar me atë. Jam shumë krenare se si po e rris fëmijën tim. Si e shpjegon faktin që ai më merr fshehurazi?
Arjani: Se është pa karakter, pa personalitet. E përgëzoj Çiljetën për kurajën që ka sepse po jep një mesazh të bukur për shumë vajza ose nëna që mund të jenë në një situatë si ty.
Discussion about this post