Lista e vendeve që konsiderohen si parajsë fiskale nga Bashkimi Europian, është zgjeruar. Bëhet fjalë për Anguillan, Bahamasin, ishujt Turks dhe Kaikos. Vendimi është marrë nga ministrat e Financave të Bashkimit Europian.
Deri më tani janë 12 shtete në botë të quajtura parajsë fiskale, ku mund të investohen lehtësisht para të padeklaruara.
Ishujt Turks dhe Kaikos, pranë Bahamasit dhe Kubës, janë për herë të parë në listë. Bahamasi ishte listuar një herë më 2018 dhe më pas u hoqën, dhe Anguilla më 2020.
“Nga taksimi i drejtë i bizneseve përfitojmë të gjithë. Kjo është arsyeja pse BE-ja dhe partnerët ndërkombëtarë ndajnë interes të përbashkët në luftimin e erozionit të bazës tatimore dhe ndryshimit të fitimit”, ka thënë ministri çek i Financave, Zbynek Stanjura, vendi i të cilit mban presidencën e BE-së.
“Besoj se të 12 vendet në listë do të përmbushin angazhimet e tyre dhe do të kryejnë reformat e nevojshme në fushën e taksave sa më shpejt që të jetë e mundur, në mënyrë që ato të fshihen nga kjo listë kur ne do ta rishikojmë atë pas 6 muajsh”, shtoi ai.
Discussion about this post