Të rinjtë në Sarandë nuk u binden rregullave anti-covid, qëndrojnë në lokalë duke konsumuar lëndë narkotike. Policia procedoi penalisht administratorin e lokalit dhe mori masë administrative ndaj tij.
Policia konstatoi në mesnatë në vendin e quajtur “Ura e Kranesë” 1 subjekt që po vijonte organizimin e aktivitetit me muzikë pas orarit të përcaktuar për mbyllje.
Në këtë kuadër, njoftohet se, është proceduar penalisht administratorin e subjektit shtetasin V(D). M., 45 vjeç, për veprat penale “Prishja e rendit dhe qetësisë publike” Ushtrimi pa licencë i veprimtarive financiare”, dhe “Prodhim dhe shitje lëndësh narkotike”. Gjithashtu, është vendosur masa administrative 1.000.000 lekë, për administratorin e subjektit, për shkelje të orarit të përcaktuar në aktin normativ, dhe masa administrative 10.000, për 23 klientë, të konstatuar në subjekt.
Gjatë kontrollit të ambientit, shërbimet e Policisë gjetën dhe sekuestruan një sasi të vogël lëndë narkotike kanabis.
E.H /gijotina.com/
