Kontejnerë mbetjesh nën tokë, Basha akuzon Ramën për vjedhjen e idesë

Ish-kreu i Partisë Demokratike Lulzim Basha ka reaguar në rrjetet sociale për vendosjen e konteinerëve të parë për mbetjet nën tokë.

Basha ka shpërndarë postimin e ish-sekretarit të PD-së Taulant Zeneli ndërsa shkruan se vendosja e konteinerëve nën tokë janë “një nga projektet që pengoi sapo u bë kryeministër, për t’i hapur rrugë vjedhjes së shekullit me inceneratorët”.

Asokohe, Basha i drejtohej Ramës që kontejnerët me mbetje të futeshin nëntokë, ndërsa kryeministri tha se kjo gjë është e pamundur. Ndërkohë, sot, Rama ka bërë konkrete projektin e artikuluar nga ish-demokrati.

“Një nga projektet që pengoi sapo u bë kryeministër, për t’i hapur rrugë vjedhjes së shekullit me inceneratorët”, shkruan Basha.