Detaje të reja kanë dalë në pah lidhur me kapjen e rreth 2 tonë medikamenteve mjekësore në portin e Durrësit këtë mëngjes. Kjo sasi medikamentesh do të shpërndahej në formën e ndihmave humanitare në portin e Durrësit.
Në pranga është vënë një punonjëse sociale e një institucioni privat për kujdesin ndaj të moshuarve, si dhe është shpallur në kërkim shefi i Shërbimeve pranë Njesisë Vendore të Kujdesit Shëndetësor Lezhë. Mësohet se punonjësja sociale e azilit të pleqve është A. B., 56 vjeçe, lindur ne Mat dhe banuese në Itali.
Gjithashtu në kërkim është shpallur shef i Shërbimeve pranë Njesisë Vendore të Kujdesit Shëndetësor Lezhë, me inciale A. P., 33 vjeç.
Këta shtetas kanë tentuar të kalojnë rreth 2 tonë në portin e Durrësit të ngarkuara në një depo për grumbullimin e ndihmave humanitare në Firence, Itali, me qëllim transportimin e tyre në Shqipëri, me pretendimin se janë ndihma humanitare për një shoqatë në qytetin e Lezhës.
Autoritetet doganore kontrolluan automjetin me targa AA249NN, nga ku rezultoi se krahas mallrave të deklaruara, ishte dhe një sasi ilaçesh prej 1950 kg ose 8793 kuti me medikamente të ndryshme, të cilat kapin vlerën prej 119 mijë euro. Këto medikamente nuk dispononin dokumentacionin përkatës për importimin e tyre në territorin shqiptar, ndaj u sekuestruan.
Vlera e detyrimeve doganore që u tentua të shmangej nga përgjegjësit është afro 2.979,455 lekë, ndërsa penaliteti për vlerën e detyrimeve të shmangura është në shumën 8.938,365 lekë. Në total, shuma e detyrimeve doganore dhe penaliteteve të shmangura është 11.917,820 lekë.
Discussion about this post