Dy persona të përfshirë në kontrabandimin e emigrantëve shqiptarë në Britaninë e Madhe me gomone janë dënuar me 11 vjet burg në total.
27-vjeçari Flavian Suka me banim në Londër është dënuar nga gjykata e Canterbury-t me 7 vite e gjashtë muaj burg, ndërsa dënimit me heqje lirie nuk i ka shpëtuar as shtetasi britanik Stephen Orgar.
Stephen Orgar u kap në vitin 2019 teksa udhëtonte me makinën e tij përmes tunelit nga Franca. Gjatë kontrollit u gjet se në makinë kishte fshehur dy shqiptarë.
Ndërsa hetimet e mëpasshme zbuluan se ishte Suka ai që merrej me organizimin. Gjatë kontrollit në banesën e tij në Londër, Sukës iu gjet një sasi e konsiderueshme kokaine me vlerë 88,000 paund si dhe rreth 20,000 paund “cash”.
Discussion about this post