“25 vite garanci”/ “Arlis” e hedh përgjegjësinë për fasadën e djegur të pallatit tek prodhuesi i paneleve

Pamjet e publikuara ditën e djeshme me pallatin në zonën e Farmacisë 10 të përpirë nga flakët, ishin apokaliptike.

Kjo eshte  kontratën e nënshkruar mes kompanisë “ARLIS-NDERTIM” shpk dhe “Rockn Works”.

Në kontratë specifikohet se punimet e fasadës janë kryer nga “ARLIS NDËRTIM”, që mesa duket nuk ka respektuar kushtet e paracaktuara.

Kjo pasi në pikën 5.22 të kontratës specifikohet se materiali i panelit që do të përdoret për fasadën do të ishte anti-zjarr.

“Rockn Works” jepte 25 vite garanci për cilësinë e bojës së panelit.

Ndërkohë ditën e sotme kompania “Arlis Ndërtim” ka reaguar përmes një deklarate duke shprehur solidaritet me banorët e prekur dhe duke garantuar rikthimin e plotë të objektit në gjendjen fillestare.

Në deklaratë, kompania thekson se objekti është ndërtuar në përputhje të plotë me lejen e ndërtimit dhe standardet ligjore në fuqi, pa asnjë shtesë të paautorizuar, ndërsa punimet janë kontrolluar dhe certifikuar nga organet kompetente.

Megjithate u pa qarte se pallati nuk kishte shkalle emergjence.

“Për të gjitha punimet e fasadës për objektin në fjalë, shoqëria ka lidhur marrëveshjet respektive me shoqëri tregtare, të regjistruara pranë Qendrës Kombëtare të Biznesit, të cilët janë zotuar dhe kanë marrë përsipër të kryejnë me përgjegjësi të plotë ligjore shërbimet e ofruara dhe të kontraktuar.”, bëri të ditur gjatë ditës kompania ‘Arlis’.

Shoqëria ‘Arlis’ thotë se “posedon të gjitha çertifikimet e materialeve sipas standarteve europiane dhe legjislacionit në fuqi, të cilat na janë vënë në dispozicion nga kontraktorët që kanë kryer këto punime”.

Procedurat kërkojnë që çdo aktivitet gjatë procesit të ndërtimit, të kqyret nga një supervizor i pavarur, i përzgjedhur nga kompania e më pas nga një kolaudator.

gijotina.com/