Kreu i PD-së Sali Berisha ka folur në lidhje për kontratën 6 milionë dollarësh të lobimit, e cila është kritikuar ashpër nga pala kundërshtare dhe që sipas tyre do t’i japë një goditje të rëndë fushatës së opozitës për shkak të burimit ende të paqartë të financimit.
Kreu i demokratëve dhe Aleancës për Shqipërinë Madhështore, sqaroi se kontrata është nënshkruar nga organizata e patriotëve, teksa PD ka pranuar thjesht shërbimin.
“Ligji amerikan i detyron kontratat të afishohen. Ne e dinim këtë. Ne nuk kemi kontratë. Ata që e paraqesin deformojnë të vërtetën. Ne kemi firmosur se pranojmë shërbimin, por nuk është e jona. Rama ka të drejtë që është i shqetësuar. Ai do e shohë boomerang. Ai ishte mësuar të merrte përgëzime edhe kur nuk ishin hapur kutitë. Ajo kontratë mbron interest e shqiptarëve. Rama e ka marrë përgjigjen. Kushdo që lexon rezolutën e Venecias, aty shihet se Rama po blen vota me lekë, asfalt, punësim”, tha Berisha.
Më tej, kryedemokrati ka mohuar që në kontratën 6 milionë dollarëshe të lobimit në SHBA, të ketë një klauzolë të veçantë në lidhje me heqjen e non gratës.
“Në kontratë nuk ka asnjë klauzolë për non gratën. Fondacioni ka interesa atdhetare për bashkëpunimin e qeverisë së Shqipërisë me SHBA. Ai që shpalli nongrata Berishën është aty ku e meriton dhe uroj që drejtësia amerikane t’i japë dënimin që meriton. I pari sekretar shtetit që nuk hyn në asnjë institucion ekzekutiv. Ai përdori fuqinë e tij që të izolonte PD dhe Berishën. 4 rezoluta janë shkatërrim i të gjithë përpjekjes për të shkatërruar një forcë politike. Chris LaCivita e bëri të qartë historinë e saj. Është kryetari i komitetit republikan. Ai ua tha se kush e bëri dhe si e bëri. Se çfarë pritshmërie kanë pasur miqtë e mi është punë e tyre”, tha mes të tjerash Berisha.
Discussion about this post