Kontrata për vaksinat nuk gjendet, Ursula “s’i ka mirë punët”

Akord i dyshimtë i vaksinave – si po pengohet zbulimi i së vërtetës?

Aktualisht janë ngritur disa padi kundër Presidentes së Komisionit Evropian, Ursula von der Leyen dhe Komisionit të BE-së.

Fjala është për sqarimin e kontratës më të madhe që Bashkimi Evropian ka lidhur ndonjëherë me një kompani private (plot 35 miliardë euro):

Në pranverën e para dy viteve, Komisioni Evropian porositi 1.8 miliardë doza vaksine kundër korona-virus tek kompanitë Biontech e Pfizer.

Paditë janë ngritur për shkak se nuk ka informacion në lidhje me kontratën – madje as për parlamentarët e Bashkimit Evropian.

Paditësit pretendojnë se Ursula von der Leyen thuhet se e ka “kopsitur” marrëveshjen me telefon dhe mesazhe SMS.

Kjo cënon parimet e administratës publike.

Përveç kësaj, paditësit – duke cituar ekspertë të shëndetësisë – janë të mendimit se blerja nuk ishte më e nevojshme në kohën kur është kryer, raporton televizioni publik gjerman ARD./Syri