Ditën e sotme Erion Veliaj ka vulosur shtesën prej 2 milionë eurosh për oligarkët Shkëlqim Fusha dhe vëllezërit Genci, Adrian dhe Artan Dulaku. Disa javë më parë Gijotina.com denoncoi se si Bashkia Tiranë kishte hapur tenderin për “Rijetësimi i Piramidës se Tiranës”, për të cilin kishte vënë në dispozicion 2 milionë euro. Ky tender është një shtesë në kontratën fillestare për rikonstruksionin e Piramidës, pasi kontrata fillestare kapte vlerat 1.7 miliardë lekë.
Ky projekt iu dha në korrik të viti 2020 dy kompanive “Fusha shpk” dhe “EDIL – AL – IT”, ku në kontratë theksohej se sipas ligjit shtesa bëhen vetëm në raste emergjence, apo nëse gjatë punimeve dalin investime të papritura. Ndërsa punimet vazhdojnë prej 2 vjetësh, në asnjë dokument të tenderit nuk shpjegohet se çfarë e papriture ka dalë gjatë punimeve. Në këtë mënyrë, pa garë, edhe shtesa prej 2 milionë eurosh e Veliaj xhirohet në llogaritë e Fushës dhe të Dulakëve.
Procedurë me negocim
Këtë tender, Open Data Albania e ka shënuar me 2 flamuj të kuq, pasi ka konstatuar një sërë shkeljesh që nga shpallja e tenderit e deri më tani. Ky prokurim është në kundërshti të hapur me ligjin pasi, në dokumentin e publikuar thuhet se është dhënë me negocim, të cilin për këtë rast, ligji nuk e lejon. Madje, vetëm pak muaj më parë ka qenë vetë kryeministri Edi Rama, i cili në një konferencë për mediat ka deklaruar se do të ndalohen në mënyrë kategorike procedurat me negocim paraprak. Këto lloj kontratash zhvillohen pa garë dhe abuzohet me fondin limit, duke cenuar kështu të dhënat e projektit fillestar.
Tender pa garë
Por pavarësisht se kjo kontratë binte në kundërshtim me ligjin dhe u denoncua në media, kryebashkiaku Veliaj sërish vazhdoi planin e tij, duke shkelur një tjetër rregull. Tenderi iu është dhënë ditën e sotme pa garë dy kompanive “Fusha” dhe “EDIL – AL – IT” (kjo e fundit) 100 në pronësi të INER, me zotërues Vëllezërit Dulaku.
Sipas Open Data Albanian, ky tender nuk ka konkurrencë dhe kështu cenon tregun e lirë. Prokurimi zhvillohet me një konkurrent te vetëm që është një bashkim operatorësh, si në rastin konkret. Shpesh këto procedura më shume se mungese konkurrence ne treg shfaqin opsione te formulimit te kritereve dhe afateve për dorëzim dokumentesh në favor të një kompanie të paramenduar klienteliste. Këto tenderë meritojnë të konsiderohen të ekspozuara me risk korrupsioni dhe të merren nën hetim nga organet përgjegjëse.
Merren parat e qytetarëve
Faktet e mësipërme paralajmërojnë se Piramida para se të shndërrohet në qendrën “Tumo”, do të kapë vlera marramendëse. Sigurisht, ky fond që do të shtohet, do t’u hiqet shërbimeve për qytetarët. Kjo “ligjërohet” në kontratë, ku thuhet se, “Për transformimin e piramidës do të përdoren të ardhurat nga Bashkia e Tiranës, fond i vënë në dispozicion nga buxheti në dispozicion të Ministrisë së Kulturës si dhe të ardhurat e Fondit shqiptaro-amerikan për Zhvillim vënë në dispozicion në kuadër të marrëveshjes të bashkëpunimit me Bashkinë e Tiranës për projektin “Rijetësimi i Piramidë”.
Kjo pikë është e mirë theksuar edhe në kontratën fillestare, por edhe në këtë kontratë për shtesë fondi. Çka bënë të qartë se 2 milionë euro do të hiqen nga investimet e nevojshme që qytetarët dhe do të hidhen mbi qendrën “Tumo”.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post