Protothema.gr zbardhi operacionin sekret që u zhvillua në orët e para të mëngjesit në qelitë e burgjeve në Chania, ku në shënjestër ishin shqiptarët. Në burgje u futën ekipe speciale dhe një qen zbulues droge. Operacioni ishte aq i mbyllur sa u krye në fshehtësi ekstreme pa informimin paraprak të autoriteteve të burgut, ndërsa kontrollet u zhvilluan në 6 qeli me 13 të burgosur shqiptarë, mes tyre tek lideri i mafies shqiptare në Greqi, Klodian Lekocaj.
Për sendet dhe lëndët narkotike të gjetura dhe të konfiskuara në qeli, pritet edhe një njoftim zyrtar nga Prokuroria greke.
Po kush është Klodian Lekocaj?
Shqiptari Klodian Lekocaj është i burgosur që prej shtatorit të vitit 2018 në burgun e Koridalos në Athinë. Lekocaj mësohet se ka pasur një ndikim të madh mbi mafien në Greqi. Edhe pse ai është i burgosur ka arritur gjithmonë që t’u japë urdhra “ushtarëve” të tij nga qelia. Lekocaj akuzohet për vrasjen e dy shqiptarëve Albert Bako dhe Bandiol Tusha në burgjet greke. Lekocaj akuzohet edhe për bashkëpunim në vrasjen e avokatit grek Mihalis Zafiropoulos.
Discussion about this post