Kontrollet blic në Kakavijë kanë goditur një rast të trafikimit të drogës. Policia jep detaje se në një mjet tip “volvo” që drejtohej nga shoferi i identifikuar me iniciale F. G., 25 vjeç, banues në Gjirokastër, në serdilet e pasme të mjetit, janë gjetur 17 pako të mbështjella, brenda të cilave kishte lëndë të dyshuar narkotike Cannabis Sattiva, me peshë totale 20 kg.
Gjithashtu në dalje të RSH pas verifikimeve të të dhënave në Sistemin TIMS, shërbimet e Policisë Kufitare Kakavije kanë kaluar për kontroll në vijën e dytë automjetin tip “alfa romeo” që drejtohej nga V. K., si dhe udhëtonin si pasagjerë L. L. dhe K. K. (të tre shtetas gjerman).
Nga kontrolli i ushtruar, në bagazhin e automjetit, në vendin e gomës rezervë u gjetën 30 doza me lëndë të dyshuar narkotike Cannabis Sattiva.
Si dhe nga kontrolli i ushtruar në vijën dytë i automjetit tip “Renault” me drejtues shtetasin H. D. dhe pasagjere M. C., (shtetas francez), u gjetën 33 doza me lëndë të dyshuar narkotike Cannabis Sattiva.
Në përfundim të veprimeve të kryera nga specialistët për Hetimin e Narkotikëve në DVP Gjirokastër u bë arrestimi në flagrancë i personi i identifikuar me iniciale F. G., 25 vjeç, banues në Gjirokastër, si dhe vunë në hetim personat e identifikur me iniciale V. K., 19 vjeç; L. L., 18 vjeç;
K. K., 19 vjeç, banues në Gjermani;
H. D., 32 vjeç dhe M. C., 40 vjeçe, banues në Francë.
Materialet i kaluan Prokurorisë Pranë Gjykatës së Shkallës së Parë Gjirokastër për veprat penale “Trafikim i lëndëve narkotike” dhe “Prodhim dhe Shitje e lëndëve narkotike”.
