Kontrollet blic në burgubn e Vlorës, kanë zbuluar një sasi droge. Në qelitë e burgut të Vlorës pas kontrolleve të ushtruara mbrëmjen e së premtes, pas informacioneve të marra në rrugë operative.
Pavarësisht se bëhet fjalë vetëm për një sasi prej 8 gram kanabis oficerët e Shërbimit të Kontrollit të Brendshëm të Burgjeve kanë nisur hetimet në bashkëpunim me Policinë e Shtetit për të zbuluar se si u fut në qelitë e burgut sasia e kanabisit.
Në shkurt në burgjet e vendit u zhvillua një mega-operacion i koduar ‘Trinomi’, i cili çoi në pranga 28 persona, zyrtarë, policë burgjesh, biznesmenë dhe të burgosur.
Nga operacioni u zbulua se të dënuarit për vepra të rënda penale kanë vijuar aktivitetin e tyre kriminal brenda në ambientet e burgjeve ose afër tyre duke krijuar një grup të strukturuar kriminal.
Policët e burgjeve, jo vetëm që nuk kanë ndërhyrë për të shkatërruar këtë grup, por kanë bashkëpunuar me ta duke mundësuar futjen në qeli të drogës dhe sendeve të paligjshme dhe transportin e saj nga njëri burg në tjetrin.
Droga transportohej nga burg i Peqinit në burgun e Drenovës dhe më pas në paraburgimin e Elbasanit.
Të gjitha këto veprime kryheshin kundrejt përfitimeve, duke shpërdoruar detyrën apo me anë të ushtrimit të ndikimit të paligjshëm ndaj zyrtarëve që ushtrojnë funksione publike.
Discussion about this post