Dy persona janë arrestuar dhe një automjet luksoz është sekuestruar gjatë një operacioni kontrollesh të zhvilluar nga Policia e Shtetit në Tiranë, Fushë-Krujë, Bubq dhe Nikël.
Gjatë aksionit, efektivët gjetën dhe sekuestruan edhe lëndë narkotike të dyshuar kokainë, një armë të ftohtë, ndërsa shoqëruan disa persona dhe automjete për verifikime të mëtejshme.
“Gjatë aksionit janë kontrolluar dhe verifikuar: 87 automjete; 118 shtetas; janë konstatuar dhe hequr 34 xhama të errësuar në kundërshtim me Kodin Rrugor, ndërsa drejtuesit e mjeteve janë ndëshkuar me masa administrative.
Gjithashtu, janë shoqëruar për verifikime të mëtejshme 12 automjete dhe 16 persona. Policia njofton se një shtetas është arrestuar në flagrancë pasi gjatë kontrollit i është gjetur një sasi lënde narkotike e dyshuar kokainë.
Një tjetër person është arrestuar pasi gjatë kontrollit i është gjetur dhe sekuestruar një armë e ftohtë, konkretisht një shufër metalike.
Ndërkohë, është shoqëruar edhe një shtetas tjetër pasi kishte shkelur masën e sigurisë “Arrest në shtëpi”. Automjeti luksoz që ai përdorte është sekuestruar nga autoritetet“, njofton policia.
Operacioni u zhvillua nga Forca e Posaçme Operacionale dhe Forca e Posaçme “Shqiponja”, në bashkëpunim me Policinë Rrugore, në kuadër të kontrolleve për goditjen e veprimtarive të paligjshme dhe rritjen e sigurisë publike.
Discussion about this post