Policia e Kosovës në rajonin e Prishtinës ka konfiskuar 31 kg substancë narkotike në Komoran të Drenasit dhe ka prangosur dy persona të dyshuar për blerje, posedim apo shpërndarje të paautorizuar të saj.
Policia bën me dije se personit të ndaluar i janë konfiskuar edhe makina tip ‘Passat’ me taga shqiptare, dy telefona celularë, dhe para: 1050 euro dhe 13500 lekë.
Njoftimi i policisë:
“Në këtë operacion është konfiskuar vetura Passat me targa vendore pronë e të dyshuarit mashkull kosovar, në të cilën janë gjet dhe konfiskuar dy thasë të mbushur me 31 kilogram substancë e dyshuar narkotike e llojit marihuanë. Po ashtu është konfiskuar edhe vetura ( me targa të Shqipërisë) e personit të dyshuar mashkull shtetas i Shqipërisë, dy telefona celularë, para: 1050 euro dhe 13500 lekë”
