Kontrolli rutinë i policisë në Maqedoninë e Veriut, ka zbuluar një laborator droge. Ministria e Punëve të Brendshme e Maqedonisë së Veriut ka informuar se është arrestuar një 43-vjeçar.
Gjatë bastisjes së laboratorit janë zbuluar 200 fidanë, dy kilogramë marijuanë si dhe paisje prodhuese.
“Është kontrolluar shtëpizën e vikendit në pronësi të N.Z. (47) në fshatin Gradmanovc të Katllanovë, ku është gjetur laborator për prodhimin e marijuanës, rreth 200 fidanë, filtra ajri dhe pajisje të tjera prodhuese, rreth dy kilogramë marijuanë”, njoftohet nga MPB.
Pritet të zbardhen emra të tjerë të dyshuar për përfshirje në këtë veprimtari të rëndë kriminale.
Discussion about this post