Koordinatori i “Forza Italia” për Ballkanin, Lorenzo Grassini, ka shprehur mbështetjen e tij për protestën qytetare që prej 77 ditësh vijon në Tiranë kundër qeverisë së Edi Ramës.
Përmes një video-mesazhi, Grassini u ka dërguar një mesazh protestuesve, duke theksuar se qytetarët kanë të drejtë të dëgjohen dhe se zëri i tyre nuk mund të shuhet.
“Kur një popull del në shesh, ushtron lirinë më të vjetër, atë për t’u dëgjuar. Populli duhet dëgjuar. Sheshi dëgjohet dhe vlerësohet. Një zë i shtypur nuk zhduket, por kthehet më i fortë. Unë jam me ju, me atë që qëndron në këmbë dhe ngre zërin”, u shpreh Grassini.
Mesazhi i tij vjen në ditën e 77-të të protestave, ku qytetarë nga Tirana dhe diaspora kanë dalë sërish në rrugët e kryeqytetit duke kërkuar dorëheqjen e kryeministrit Edi Rama dhe ndryshime politike.
Discussion about this post