Një kopsht zoologjik kinez ka shkaktuar zemërim pasi lyen qentë në portokalli e të zezë që të duken si tigra për vizitorët, disa kohë pasi vihej në lojë për të tjerë qen të lyer si arinj panda.
Pamje të shpërndara në rrjetin Douyin, që është versioni kinez i TikTok, tregonin këlyshët e racës Çou-Çou të lyer me rripa të zinj e portokalli që vraponin duke luajtur në ndarjet e tyre në kopshtin e kafshëve Qinhu në Taizhou.
Por përdoruesit e rrjeteve sociale nuk binin më në lojën e tyre pasi e kuptuan shpejt se kafsha në pamje nuk ishte tigër.
Dhe në fakt kur u kontaktuan nga media, kopshti pranoi se kafsha ishte një qen Çou-Çou autentik, i lyer në formë “qeni-tigër”.
Kopshti shpjegonte se lyerja e qenve ishte vetëm një shaka dhe nuk kishte pasoja për shëndetin e tyre.
Ndërsa vitin që shkoi vizitorët kërkuan para e tyre mbrapsht nga kopshti në Guangdong pasi u ishte premtuar të shinin arinj panda dhe në fakt ishin vetëm qen vendas të lyer si panda.
Edhe asokohe kopshti zoologjik mbronte veprimin duke thënë se kanë vetëm “qen panda” meqënëse nuk kanë panda të vërteta.
Një zëdhënës i kopshtit tha: “Shumë njerëz vijnë duke kërkuar arinj panda por në këtë kopsht zoologjik nuk ka panda prandaj ne bëmë këtë për vizitorët”.
Ai refuzonte më tej akuzat e mizorisë ndaj kafshëve duke thënë: “Edhe njerëzit i lyejnë flokët e tyre, ngjyrosjet natyrale mund të përdoren te qentë që kanë pellush të gjatë”.
Discussion about this post