Sulmuesi shqiptar, Klodian Nuri, produkt i Shkollës së Mjeshtërisë Sportive “Loro Boriçi”, është zyrtarizimi i radhës në merkaton e Korabit të Peshkopisë.
Nëpërmjet një postimi në Facebook, klubi ka bërë me dije se ka firmosur kontratë 2-vjeçare me sulmuesin 28-vjeçar që në të kaluarën ka qenë pjesë e Lushnjës, Turbinës, Elbasanit, Dinamos, Besës dhe Kastriotit.
Me afrimin e Nurit, cilësia në repartin ofensiv të Korabit është rritur ndjeshëm. Vlen të theksohet fakti se në dispozicion të trajnerit Shpend Kumbarçe janë edhe sulmues të tjerë të talentuar si Dobra, Taulant Marku, Çikani, Çema si dhe Kryemadhi.
NJOFTIMI ZYRTAR I KLUBIT:
Klodian Nuri zyrtarisht pjesë e KF Korabit!
Klubi I Futbollit Korabi njofton arritjen e marrëveshjes me Klodian Nuri. Sulmuesi ka arritur akordin me klubin ku ka hedhur firmën mbi kontratën, e cila e lidh me KF Korabin për dy vitet e ardhshëm.
I urojmë suksese lojtarit dhe klubit!
Karriera:
KF Lushnja
KS Turbina
KS Elbasani
FC Dinamo
KS Besa
KF Kastrioti
Discussion about this post