Teksa vendi është mbërthyer nga temperatura të larta, në disa zona të qarkut të Korçës kanë rënë reshje të dendura breshëri, duke dëmtuar të mbjellat në fshatin Boshanj.
Mësohet se reshjet e breshërit kanë vazhduar prej rreth një ore pa ndalim, duke dëmtuar kështu sipërfaqet e mbjella me grurë, tërshërë dhe kopshtet me fasule, domate, qepë dhe speca.
Rreth 30 familje të Boshanjit, 20 km larg Ersekës, nëpërmjet fotove, kanë kërkuar ndihmë nga instancat duke treguar me pamjet dëmet e shkaktuara nga breshëri.
Banorët janë të shqetësuar për rrugën e fshatit, që u dëmtua akoma edhe më shumë nga reshjet e sotme, çka sjell vështirësi për ta.
Discussion about this post