Korçë, 36-vjeçari arrestohet për cigare kontrabandë

Një 36-vjeçar u arrestua nga policia e Korçës pasi akuzohet se transportonte steka me cigare të kontrabanduara, me qëllim shitjen në dyqanin e tij.

“Strukturat hetimore të DVP Korçë, në bashkëpunim me shërbimet e Komisariatit të Policisë Devoll kanë konstatuar një rast të kontrabandimit të cigareve, me qëllim shitjen, për të cilin u arrestua në flangracë shtetasi: A. Y., 36 vjeç, banues në Bilisht, Devoll.

Në Bilisht, shërbimet e Policisë kanë ndaluar për kontroll automjetin që drejtonte 36-vjeçari, ku kanë gjetur 30 steka me cigare të markave të ndryshme, të dyshuara të kontrabanduara. Në vijim, është ushtruar kontroll edhe në dyqanin e shtetasit A. Y., ku gjithashtu janë gjetur paketa të tjera me cigare, për të cilat ky shtetas nuk kishte fatura tatimore”, njoftoi policia.

Stekat me cigare u sekuestruan në cilësinë e provës materiale.