Një ngjarje e rëndë ka ndodhur ditën e sotme në qytetein e Korçës. Sipas policisë mësohet se është arreëstuar në flagrancë shtetasi me iniciale D. H., 45 vjeç ka rrahur nënën e tij në shtëpi dhe më pas i ka marrë lekët. Bëhet fjalë për shumën prej 20.000 lekë.
Nga ana tjetër, një tjetër rast dhune po ndaj një nëne nga i biri, shtetasi me iniciale R. M., 41 vjeç, banues në fshatin Vashtëmi është raportuar edhe në Maliq, për veprën penale“Dhuna në familje” .
Së fundmi, të dy shtetasit janë vënë në pranga dhe po procedohen penalisht 2 të tjerë për vepra të ndryshme penale.
“Specialistët për Hetimin e Krimeve në Komisariatin e Policisë Korçë, bënë arrestimin në flagrancë për veprat penale “Dhuna në familje” dhe “Vjedhja” të shtetasit D. H., 45 vjeç, banues në Korçë, pasi në banesë ky shtetas dyshohet se ka ushtruar dhunë fizike ndaj nënës së tij, shtetases N. N., 66 vjeçe dhe më pas i ka vjedhur shumën prej 20.000 lekë.
Specialistët për Hetimin e Krimeve në Komisariatin e Policisë Maliq, bënë arrestimin në flagrancë për veprën penale “Dhuna në familje”, të shtetasit R. M., 41 vjeç, banues në fshatin Vashtëmi, Maliq, pasi në banesë ky shtetas dyshohet se ka ushtruar dhunë fizike ndaj nënës së tij shtetases P. C., 67 vjeçe.”
Discussion about this post