Korçë/Gruaja godet bashkëshortin me hekur në kokë, burri përfundon në spital

Një ngjarje është regjistruar mbrëmjen e sotme në Korçë, ku një çift bashkëshortësh janë konfliktuar me njëri-tjetrin.

Nga informacionet paraprake mësohet se shtetësja me inicialet D.B. ka goditur me send të fortë (dyshohet hekur), në kokë bashkëshortin e saj, shtetasin me inicialet N.B.

Ky i fundit ka mbetur i plagosur dhe është transportuar me urgjencë në spitalin e Korçës për të marrë ndihmë mjekësore. Ndërkohë, gruaja është shoqëruar nga Policia në komisariat për veprime të mëtejshme.