Korçë/ Ngacmon seksualisht të moshuarën, arrestohet 65-vjeçari

Policia në Korçë ka vënë në pranga një 65-vjeçar pasi ka ngacmuar seksualisht një të moshuar.

“Specialistët për  Hetimin e Krimeve në Komisariatin e Policisë Korçë ndaluan shtetasin F. I., 65 vjeç, banues në Korçë, pasi dyshohet se ka ngacmuar seksualisht një 75-vjeçare”, informon policia.

Po ashtu efektivët në Ersekë kanë ndaluar një 51-vjeçari pasi ka dhunuar bashkëshorten e tij.

“Specialistët për Hetimin e Krimeve në Komisariatin e Policisë Kolonjë arrestuan në flagrancë shtetasin  L. Dh.  51 vjeç, banues në Ersekë, pasi dyshohet se ka ushtruar dhunë ndaj bashkëshortes së tij, e cila u pajis me urdhër mbrojtjeje”, njoftojnë Uniformat Blu.