Dhjetëra banorë të fshatit Pojan të Maliqit protestojnë para zyrave te OSHEE-së shkak është bërë mungesa e herëpashershme e energjisë elektrike në pjesën më të madhe të fshatrave.
Sipas banorëve ky problem vjen pasi linjat e tensionit të ulët janë të amortizuara. Vetëm pak ditë më parë rrëzimi i disa shtyllave të tensionit të mesëm dhe të lartë ka lënë për 4 ditë pa energji këto fshatra.
Prej 7 ditësh gjithnjë sipas tyre çdo natë pas orës 18:00 deri në orën 24:00 fshati Pojan me rreth 6000 banorë mbetet pa energji elektrike.
Njëri nga banorët tregon se mungesa e energjisë elektrike ka shkaktuar vdekjen e një personi me Covid-19 pasi kjo e fundit ishte e lidhur me aparatin e oksigjenit. Mungesa e energjisë elektrike në këtë fshat sipas banorëve ka dëmtuar edhe biznesin e kësaj zone. Deri tani mësohet se nuk është marrë asnjë përgjigje nga zyrat e OSHEE-së.
Discussion about this post