Një sherr me thika ka ndodhur këtë të martë mes adoleshenteve jashtë gjimnazit “Raqi Qirinxhi” në qytetin e Korçës. Për pasojë është plagosur një 16-vjeçar.
“Rreth orës 13:20, në lagjen nr. 10, dyshohet se gjatë një konflikti të çastit, shtetasi R. Ç., 21 vjeç dhe 2 shtetas ende të paidentifikuar kanë goditur me mjet prerës (thikë) dhe me përforcues grushti, një shtetas 16 vjeç”, njoftoi policia.
Sipas të njëjtave burime, 16-vjeçari po merr mjekim në spital dhe është jashtë rrezikut për jetën, ndërsa efektivët po punojnë për kapjen e autorëve të dyshuar, të cilët dyshohet se janë larguar me automjet.
Grupi hetimor vijon punën për identifikimin e 2 shtetasve të tjerë të përfshirë në konflikt dhe për sqarimin e rrethanave të konfliktit, mbyllet njoftimi i bluve.
Discussion about this post