Ushtria e koreano-jugore njoftoi sot se gjeti mbetjet e një sateliti spiun të Koresë së Veriut nga deti dhe se nuk kishte kapacitet për përdorim ushtarak.
Muajin e kaluar, ushtria gjeti pjesë të një rakete të përdorur në lëshimin e dështuar të satelitit të saj të parë ushtarak nga Koreja e Veriut, në të cilin transportuesi dhe ngarkesa u rrëzuan në det menjëherë pas ngritjes, raportoi Reuters.
“Pas një analize të detajuar të pjesëve kryesore të satelitit të lëshuar të Koresë së Veriut, ekspertët koreano-jugorë dhe amerikanë vlerësuan se ata nuk kishin fare përdorim ushtarak si satelit zbulues”, thuhet në një deklaratë ushtarake nga Seuli.
Ushtria e Koresë së Jugut specifikoi se të mërkurën përfundoi operacionet për të tërhequr satelitin, të cilat filluan menjëherë pasi ai u rrëzua në brigjet perëndimore të Koresë së Jugut më 31 maj.
Discussion about this post