Koreja e Jugut njoftoi se Koreja e Veriut ka lëshuar drejt Detit të Japonisë një raketë për të cilën konsiderohet se është hipersonike.
Sipas lajmit të Yonhap, Shtabi i Përgjithshëm i Koresë së Jugut (JCS) ka bërë një deklaratë lidhur me dy raketa që Koreja e Veriut ka lëshuar këtë vit.
Në deklaratë thuhet se ”raketa e lëshuar nga Pheniani në orën 12:00, me orën lokale, ka rënë në det, pasi ka fluturuar rreth 1 100 kilometra”.
“Raketa u lëshua drejt Detit të Japonisë dhe është raketë hipersonike”, thuhet në deklaratën ku shtohet se Koreja e Jugut është në gatishmëri.
Seuli njoftoi se Koreja e Veriut lëshoi për herë të fundit raketë balistike me rreze të shkurtër veprimi drejt Detit të Japonisë më 5 nëntor 2024.
Lideri i Koresë së Veriut, Kim Jong-un inspektoi testimin e raketës së re hipersonike me rreze të mesme veprimi me karburant të ngurtë në vitin 2024.
Discussion about this post