Koreja e Veriut planifikon rritjen e arsenalit bërthamor, Kim Jong Un: Forcat armike synojnë të sulmojnë

në Botë

Kohë leximi: 2 min

Lideri verikorean, Kim Jong Un, ka thënë se Pheniani do të rrisë arsenalin e armëve bërthamore, ka raportuar agjencia shtetërore KCNA.

Kim ka thënë se stoku i armëve të tilla të Koresë së Veriut duhet të rritet në mënyrë eksponenciale.

“Ne jemi duke zbatuar në mënyrë të përsosur politikën e ndërtimit të forcave të armatosura bërthamore dhe rritjen e numrit të armëve bërthamore përmes një progresioni gjeometrik”, ka thënë Kim sipas agjencisë KCNA.

Kim i ka akuzuar forcat “armiqësore” se synojnë të sulmojnë Korenë e Veriut me armë bërthamore, pa specifikuar emrat e atyre shteteve, dhe pa ofruar ndonjë dëshmi.

Sipas Institutit Ndërkombëtar për Kërkime të Paqes, me bazë në Stokholm, Koreja e Veriut aktualisht posedon rreth 50 koka bërthamore, ndonëse shifra e saktë nuk dihet.Ky vend është jashtëzakonisht i izoluar, për shkak të sanksioneve ndërkombëtare, lidhur me programin e armëve dhe programin bërthamor të këtij shteti.

Testi i fundit bërthamor është kryer më 2017.

Tensionet në Gadishullin Korean janë rritur në dy vjetët e fundit, pasi Pheniani e ka rritur numrin e testimit të raketave, teksa e ka ashpërsuar retorikën kundër Shteteve të Bashkuara dhe Koresë së Jugut.

Pheniani, po ashtu, e ka intensifikuar bashkëpunimin ushtarak me Rusinë./REL

Koreja e Veriut planifikon rritjen e arsenalit bërthamor, Kim Jong Un: Forcat armike synojnë të sulmojnë

Lajme të lidhura

Poloni/ Shkon në 9 numri i viktimave nga sulmi në Krakovë, mes tyre edhe tre familjarë të autorit

Kriza politike e financiare në Paraguai, shkarkohet dhe arrestohet presidenti Santiago Pena

“Do të punoj në administratën Trump deri në fund”, Rubio mohon skenarët e dorëheqjes

Këmbimi valutor/ Rritet dollari, euro...

Discussion about this post

TË FUNDIT

Bordi i Transparencës ndryshon sërish çmimet e karburantit, ja sa do shitet nafta

Magji afrikane apo studim anormal? Jenisheri shfrenon fantazinë, i shkruan Maran: E bëjmë bashkë Shqipërinë të çudisi botën

Media kanadeze i kushton artikull protestave në Shqipëri: Qeveria e trajton vendin si pronë për ta shitur

Nga plagosja në Vlorë te trafiku i drogës/ Kush është Luka Beqiraj, shqiptari i ekzekutuar në Spanjë?

Kontrolle në Rinas, arrestohen dy persona në kërkim

KONTAKT

Harta e Faqes