Mesfushori Meriton Korenica ishte përkrah trajnerit Ilir Daja në konferencën për shtyp në prag të sfidës me Larne të Irlandës së Veriut në “Fadil Vokrri”.
“Ylli” i kampionëve të Kosovës theksoi se duhet shfrytëzuar mundësia për të avancuar në raundin e tretë të Ligës së Konferencës.
“Të gjithë jemi të gatshëm dhe duhet të shfrytëzojmë të gjitha mundësitë që kemi. Eliminimi nga Liga e Kampioneve na dëshpëroi, por kundërshtari (Ludogorets) nuk na lejoi të bënim lojën tonë. Do të synojmë që në ndeshjen e parë të marrim rezultat pozitiv dhe të mos e mendojmë kualifikimin të përfunduar.
Ludogoretsi ishte në një nivel më të lartë dhe na i pamundësoi lëvizjet tona, por që në këtë ndeshje do të synojmë më të mirën dhe të japim maksimumin”, deklaroi ai.
Discussion about this post