Pjesëmarrja e Ronela Hajatit në Eurovizion po kalon çdo pritshmëri duke u komentuar më shumë se sa pritej. Teksa festivali europian zgjodhi fituesin ditë më parë, në vendin tonë vijojnë diskutimet rreth përfaqësueses shqiptare.
Dhe një nga pikat më shumë të përfolura ka qenë koreografia. Klaudia Pepa ka qenë koreografja e Ronelës dhe shumë i janë drejtuar asaj për performancën e bujshme. Pavarësisht kritikave, Klaudia është ndier dyfish e emocionuar, duke u shprehur se të kërcente në Itali duke përfaqësuar Shqipërinë ishte diçka e veçantë.
“Jam shumë entuziaste për këtë eksperiencë. Jam dyfish e emocionuar, sepse kërceja në Itali, por përfaqësoja Shqipërinë kështu që ishte diçka shumë speciale”.
Po pse u zgjodh ajo koreografi? Sipas balerinës së njohur kjo ka qenë kërkesë e Ronelës.
“Zgjedhja nis nga kërkesat e Ronelës si këngëtare dhe unë, si koreografe, kam mësuar kërkesat e saj. Kjo është detyra jonë. Koreografia është energjike, është sensuale dhe është një bombë. Për mua është kështu.”
Nga ana tjetër, Klaudia është ndier pak e fyer, e tradhtuar, nga Italia, e cila nuk i dha Shqipërisë asnjë pikë: “Pak po, është e vërtetë. Zero pikë është pak fyese për çdokënd, por që nuk është në dorën tonë si individë, nuk na takon ne.”
Discussion about this post