Deputeti Saimir Korreshi iu bashkua protestës së thirrur nga PD e drejtuar nga Sali Berisha para Kuvendit, ndërsa u shfaq mjaft i irrituar, veçanërisht me atë që ndodhi në dyert e Parlamentit, kur gardistët ndaluan hyrjen e deputetëve të opozitës në sallë për më shumë se 20 minuta.
Madje, nervozizmin Korreshi nuk ka nguruar ta shprehë edhe në fjalën e tij të shkurtër kur e cilësoi Kryeministrin një surrat hale që po e çon vendin drejt greminës.
“Këtu sot duhet të ishim me këtë drejtim, me ata surrat haletë, më falni për fjalët.
Plehra hajdut, e kanë kthyer në kosh plehrash. O sot o kurrë duhet t’i kthehet demokracisë.
Këtij vendi duhet ti kthehet demokracia. Vëllezër, ky vend po shkon drejtë greminës. Fëmijët që të gjithë i keni jashtë shtetit, bujqërit që të gjithë po e hedhin prodhimin të gjithë në kanale.
Nuk jetohet më në këtë vend. O sot, o kurrë këtij Parlamenti duhet ti kthehet demorkacia, ose do të na kthehet komunizmi”, tha Korreshi.
Discussion about this post