Saimir Korreshi, deputet i PD-së, ka reaguar përmes një postimi në rrjetet sociale, lidhur me një deklaratë nga Orjola Pampuri, sipas të cilës, PD nuk ka mandatuar asnjë deputet për të negociuar me mazhorancën për zgjedhjen e Avokatit të Popullit.
Pampuri në reagimin e saj iu kundërvu Gazment Bardhit, i cili shprehu gadishmërinë e deputetëve demokratë për të nisur negociatat me socialistët për zgjedhjen e drejtuesit të këtij institucioni Kushtetues.
Ndërsa tallet me Pampurin që e cilëson si zëdhënësen e ekipit “Dvorani”, Korreshi i kërkon shokut Luli që të informojë zëdhënsen se takimet skutave nuk prodhojnë asnjë efekt për Grupin Parlamentar të PD.
Postimi nga Korreshi
Zëdhënësja e ekipit “Dvorani” duhet informuar që përzgjedhja e Avokatit të Popullit është një proces parlamentar dhe një çështje që nuk pret derisa të dakordësohet, skutave, takimi i radhës i shokut Luli, apo punimet në “Santorini Residence”. Të dy grupeve parlamentare PS dhe PD u është kërkuar një proces i shpejtë dhe transparent, për të çuar përpara procesin përzgjedhës, pa vonesa të tjera të paarsyeshme. Shoku Luli duhet ta informojë zëdhënësen se takimet skutave nuk prodhojnë asnjë efekt për Grupin Parlamentar të PD. Seanca e datës 21-22 Dhjetor 2022 e provoi këtë!
Discussion about this post