Deputeti demokrat Saimir Korreshi si ka ndalur batutat në komisionin e Ligjeve teksa po shqyrtohet projektligji “Për parandalimin e konfliktit të interesave në ushtrimin e funksioneve publike”.
Korreshi tha se dje një shok i kishte falur dy qen, të cilët sipas tij duhej të deklaronte nëse ia kishte dhuruar si deputet apo për shkak të miqësisë. Po ashtu ai mes humorit dhe ironisë tha se dhe çështjet e krevatit mund të quheshin konflikt interesi.
Korreshi: Kam nja dy pyetje konkrete, se duhet sqaruar konflikti i interesit. Të nderuara kolege se na duket e çuditshme që ju shohim aty. Ju i jeni referuar Suedisë dhe Danimarkës, apo jo! Po do ju kujtoj në humor të Fadil Hasës, kur erdhët nja 100 vite pas dhe 500 anësh. Si do i zgjidhni këto çështjet e dhuratave. Pjesa e parë është që kur të vjen dikush do të qirasë dhe thotë; po të jap një kafe. Ti thua; jo është konflikt interesit. Dje më dhuroi një shok im dy qenë. Ta pyes, më dhuroi dy qen si deputet apo si Saimir. Kam dhe një gjë tjetër o Ulsi! Konflikt interesi! Gruaja nuk do që të shkojë me mua, por me deputetin që jam unë. Edhe këtu do të hyjmë! Me shku në krevat. Po lëre tani! A është konflikt ky?
Manja: Po si është konflikt interesi ky?!
Discussion about this post