Ish-kryeministri, Sali Berisha, ka publikuar disa të dhëna ku nxjerr hapur abuzimin me çmimet e naftës. Ai rikthehet në vitin 2013, kur ka qenë në krye të qeverisë dhe duke bërë një paralelizëm tregon se në atë kohë në bursë nafta ka qenë 97 dollarë, ndërsa shton se në pikat e shitjes ka qenë 140 lekë.
Ndërsa sot, thotë ai, nafta në bursë është 97.2 dollarë dhe në Shqipëri po tregtohet me 228 lekë. Berisha dënon më tej këtë situatë që e konsideron si unike në Europë të krijuar nga korrupsioni qeveritar. Shqipëria sipas tij është vendi i vetëm në botë që takson mbi 1 euro 1 litër naftë.
“Postimi i Sali Berishës: Krahasojeni vetë! Nafta ne 2013 : Ne burseë97$. Në Shqipëri 140 lek. Nafta sot: Në burse 97,2$ Në Shqipëri. 228 lek! Dënoj me ashpërsinë më të madhe këtë situate unike në Europë te krijuar nga babëzia dhe korrupsioni qeveritar. Shqipëria është vendi i vetëm në botë që takson mbi 1 euro 1 litër naftë”, shkruan ai. Sot nafta në tregun tonë shitet me 233 lekë për litër, por që në fillim të këtij viti çdo ditë ka shfaqur luhatje, duke shkuar edhe 242 lekë për litër.
Discussion about this post