Një 41-vjeçar, i dënuar me 6 muaj burg nga GJKKO për veprën penale “Shkelje e barazisë së pjesëmarrjes në tendera apo ankande publike” e kryer në bashkëpunim, u arrestua nga policia e Elbasanit. I arrestuari është shtetasi Alban Rrodhe, i cili ka mbajtur disa poste të rëndësishme në Bashkinë e Gramshit, si kryeinspektor i IMT dhe drejtor.
Në një njoftim zyrtar bëhet e ditur se i arrestuari është shtetasi A.Rr, i shpallur në kërkim nga GJKKO.
“Kapet dhe vihet në pranga një shtetas i shpallur në kërkim nga GjKKO-ja, për veprën penale “Shkelje e barazisë së pjesëmarrjes në tendera apo ankande publike” e kryer në bashkëpunim.
Në vijim të punës për kapjen e shtetasve të shpallur në kërkim për veprimtari kriminale të ndryshme, shërbimet e Komisariatit të Policisë Gramsh, të mbështetura nga inteligjenca policore, bënë të mundur kapjen e shtetasit në kërkim dhe ekzekutuan urdhrin e Prokurorit të Prokurorisë së Posaçme Kundër Korrupsionit dhe Krimit të Organizuar Tiranë, për ndalimin e shtetasit A. Rr., 41 vjeç, banues në Gramsh.
Gjykata e Posaçme e Shkallës së Parë kundër Korrupsionit dhe Krimit të Organizuar e ka dënuar 41-vjeçarin me 6 muaj burgim, për veprën penale “Shkelje e barazisë së pjesëmarrjes në tendera apo ankande publike” e kryer në bashkëpunim.
Materialet i kaluan Prokurorisë së Posaçme Kundër Korrupsionit dhe Krimit të organizuar, për veprime të mëtejshme”, thuhet në njoftimin e Policisë.
Dënimi
Gjykata e Posaçme e Shkallës së Parë për Korrupsionin dhe Krimin e Organizuar më 12 tetor 2023 ka bërë të ditur vendimet për 10 ish-zyrtarë të bashkisë së Gramshit, të cilët akuzohen se abuzuan me 9 tendera rrugësh, urash dhe kanalesh.
Ata akuzohen për shkelje të barazisë në disa tendera, për asfaltimin e 7 rrugëve, për abuzim me prokurimin e ndërtimit të urës në Poroçan dhe për abuzim me tenderin e kanalit vaditës në Poroçan.
Të gjithë të pandehurit zgjodhën në pranonin fajësinë dhe rrjedhimisht kanë përfituar nga gjykimi i shkurtuar, duke ulur 1/3 e dënimit të tyre.
U shpallën fajtor dhe dënuar
Elidjan Koçi 1 (një) vit e 8 (tetë) muaj burgim.
Erson Guzi, 10 (dhjetë) muaj burgim.
Eva Ismailaj, 2 (dy) vjet burgim.
Alban Rodhe, 2 (dy) vjet burgim.
Adnand Shuli, 2 (dy) vjet burgim.
Qani Paja, 2 (dy) vjet burgim, 4 vite me kusht
Ali Çohodari, 2 (dy) vjet burgim.
Muhamet Ajazi, 8 muaj me kusht
Vilson Tërvoli, , 8 muaj me kusht
Afrim Shtylla, 8 muaj me kusht
Tenderat për të cilët u vërtetuan shkelje
1- Rehabilitimi i kanalit vaditës të Otomisë Njësia Aministartive Poroçan
2- Prokurimit “Ndërtimi i urës tip BAILEY, përroi Gurrës, fshati Poroçan
3- Rikonstruksion i rrugës automobilistike nga fshati Shemrizë deri tek ura Skënderbegas
4- Rehabilitimi i rrugës Kodër Zgjupe – Sult,
5- Rehabilitimi i rrugës Devoll
6- Rikonstruksion i objektit shkollë 9 – vjeçare “Këshilltarët e Galigatit”
7- Rikonstruksion i shkollës 9- vjeçare Koli Baba.
8- Procedurën e prokurimit “Sistemim asfaltim i lagjes 85
9- Rikonstruksioni i rrugës lagjja “Agjensia”.
gijotina.com/
Discussion about this post