Kryeministri Edi Rama, jo vetëm që nuk e sheh qeverisjen e tij të dobësuar, ndonëse ka 12 vjet në pushtet, periudhë e mbushur me skandale të shumta, ku në qendër të vjedhjeve dhe korrupsionit janë vetë ministrat dhe kryebashkiakët e tij, por tashmë flet i sigurtë për mandatin e katërt.
Madje ai parashikon edhe sa mandate do te fitojë opozita, e cila sipas tij do të katandisët më keq se në vitit 1997.
Me ironi Rama tha se nuk sheh filxhan dhe nuk parashikon të ardhmen, por “dimë të lexojmë mendjen e popullit, jo vetëm se kemi patronazhistët, por edhe me anketa”.
“Nuk shoh filxhan dhe nuk parashikoj të ardhmen, por dimë të lexojmë mendjen e popullit, jo vetëm sepse kemi patronazhistët, por kemi një strukturë shkencore, me anketa. Në zgjedhjet e ardhshme PD zor se do të marrë më shumë mandate së në vitin 1997. Mbajeni shënin këtë. I vetmi ndryshim është se atëherë e tërë Shqipëria ishte në humnerën ku ra ajo parti. Disa thonë se Shqipëria sot është vend pa të ardhme dhe me borxhe, e me halle deri në fyt, por Shqipëria ishte kështu kur populli i largoi ata që e thonë këtë me të madhe”, tha Rama.
PD në 1997 ka marrë 336.167 vota dhe 25 mandate përballë 690.003 votave dhe 101 mandateve të Partisë Socialiste.
Discussion about this post