Sistemi i Drejtësisë dhe Politika, janë bërë njësh me lidhjet e korrupsionit. Duke mos pasur si synim të drejtat e qytetarëve dhe të mirat, që duhet t’i takojnë publikut.
Prokuroria e Përgjithshme me në krye Olsian Çelën, janë vënë në shërbim të oligarkëve dhe njerëzve më të korruptuar në Shqipëri, duke kapur çdo hallkë të Drejtësisë.
Drejtësia sot ka rënë në dorën e disa hajdutëve, të cilët ndëshkojnë vetëm qytetarët e thjeshtë. Por jo oligarkët, ministrat dhe deputetët që vjedhin pronat e bregdetit.
Kjo foto e siguruar nga “Gijotina.com” tregon qartë pleksjen e krimit me prokurorinë. Të cilët janë vënë në një rresht të tribunës VIP në “Air Albania” dhe ndjekin zhvillimin e ndeshjes mes Shqipërisë dhe Italisë.
Në këtë imazh fotografik, duket qartë ish-deputeti i PS në qarkun e Vlorës, Alket Hyseni. I cili është kallëzuar disa herë në SPAK dhe prokurorinë e Tiranës, për vjedhjen e pronave në bregdetin e jugut, duke ndërtuar më pas vila turistike.
Edi Rama miratoi lejen e zhvillimit për kompleksin turistik “Ionian Olea”. Një resort vilash dhe apartamentesh luksoze në bregdetin e fshatit Dhërmi në bashkinë Himarë.
Por dokumentet tregojnë se origjina e tokës me sipërfaqe totale 11 mijë metra katrorë, për të cilën “Hyseni & Associates” ka lidhur një kontratë sipërmarrje me zhvilluesit e resortit “Ionian Olea”. Dhe ka përfituar sipërfaqe ndërtimi me vlerë miliona euro është e dyshimtë.
Ndërkohë që verifikimi i mënyrës së tjetërsimit të saj, ka qenë detyrë e Task-Forcës, së drejtuar pak kohë më parë nga vetë Hyseni.
Irini Bua, një zonjë nga fshati Dhërmi ka akuzuar dhe denoncuar në prokurori, Alket Hysenin. Por çuditërisht ndaj këtij të fundit nuk ka nisur një hetim për ta vënë në përgjegjësi ligjore.
Një gjë e tillë nuk ka ndodhur, pasi dukshëm Alket Hyseni, thith puro në prani të Kryeprokurorit të Përgjithshëm, Olsi Çela, të cilin e ka shok të vjetër dhe ndan çdo hall e Pazar me të.
Fotoja tregon qartë rreshtoren që Alket Hyseni, i bën prokurorëve të Republikës së Shqipërisë. Duke filluar nga kryeprokurori Olsi Çela, drejtuesi i prokurorisë së Tiranës, Arenc Çela, zv/drejtuesit të Tiranës, Erion Imeraj.
Në këtë foto dhe shumë pranë prokurorit të përgjithshëm, është dhe avokati Florian Pustina. Burri i prokurores Pranvera Pustina, e cila shërben si drejtore kabineti në Prokurorinë e Përgjithshme.
Fotoja tregon kapjen e plotë të sistemit të drejtësisë. Mes Hysenit dhe Olsi Çelës, diskutohet jo vetëm për çështjet penale dhe civile që duhet të “trajtohen” me rigorozitet.
Por diskutimi në tribunën VIP të stadiumit “Air Albania” me sa duket kryhet edhe për punën e votave që duhet të kapen në Këshillin e Lartë të Prokurorisë, me qëllim kapjen e titullarit të SPAK.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post