Një rast abuzimi me tenderë është zbuluar në Universitetin e Traumës, ku në pranga janë vënë 4 punonjës.
Mësohet se në pranga ka përfunduar drejtori i fermës Ali Rasha, magazinieri i qendrës Ahmet Mejdani dhe Përgjegjësi i Sektorit të bujqësisë Tahir Ballgjini.
Prokuroria jep detaje se bëhet fjalë për abuzimin me tender për plehrat kimike. Organi i akuzës thekson se katër të arrestuarit përvetësuan plehrat kimike, duke falsifikuar dokumentet te Ferma Didaktike.
“Kallëzuesi ka pretenduar nga drejtori i tij, se mallrat nuk janë në gjendje sipas procesverbaleve dhe ka marë si përgjigje se malli do të jetë i pranishëm në magazinë shumë shpejt dhe se kallëzuesi duhet të firmoste daljen e mallit në mirëbesim dhe se kishte garancinë nga drejtori se ky mall do të ishte pjesë e inventarit të magazinës shumë shpejt. Sipas fletëhyrjes në magazinë, vlera e mallit ishte 10.5 milionë. Kallëzuesi në mirëbesim ka nënshkruar fletëhyrjen dhe ka deklaruar se malli për shumën 3.7 milionë lekë nuk është bërë asnjëherë hyrje në magazinë dhe nga kjo shumë, kallëzuesi, po në mirëbesim, ka nënshkruar një fletëdalje për shumën e mallit 1.958.500 lekë. Dalja për këtë vlerë malli, sipas kallëzuesit është bërë nën trysninë e vazhdueshme të shtetasit A.R. Kallëzuesi nga fundi i muajit Dhjetor të vitit 2021 ka tentuar shumë herë të komunikojë me A.R. dhe persona të tjerë duke përfshirë dhe Rektorin e Universitetit Bujqësor Kamëz, emrin e të cilit sipas kallëzuesit, e ka përdorur shpesh A.R., si mbrojtje për situatën e krijuar dhe për mungesën e mallit në magazinë, për hyrjen dhe daljen fiktive të mallit. Masa e sigurimit arrest ne burg çmohet si masë sigurimi e përshtatshme në raport me rëndësinë e faktit dhe rrezikshmërinë e veprës penale sanksionit të parashikuar. Të pandehurit me veprimet e tyre aktive dyshohet se i kanë sjellë dëm interesave të shtetit, duke përvetësuar plehrat kimike në vlera të konsiderueshme dhe duke falsifikuar dokumentacionin për hyrjen dhe daljen fiktive të këtyre imputeve bujqësore dhe plehrave kimike në magazinat e Fermës Didaktike të Universitetit Bujqësor Kamëz”, thuhet në njoftimin për shtyp nga Prokuroria.
Discussion about this post