Prokuroria e Posaçme, ndryshe organi i posaçëm i akuzës ka zbardhur të plotë dosjen hetimore për rastin e skandal korrupsionit në Zyrën Arsimore të Dibrës, ku disa persona kanë tentuar të fitojnë post pune si mësues me rrogë 1 milion lekë ose 100 mijë lekë të reja.
Sipas përgjimeve që SPAK ka kryer për të zbardhur këtë rast skandal korrupsioni, shpjegohet se ka qenë i arrestuari i identifikuar si Halit Shehu i cili i ka dhënë një shumë parash Fitim Farrukut, që ky të ushtrojë ndikim në Zyrën Vendore Arsimore Dibër në punësimin e Halitit si mësues.
“Nga transkriptet e bisedave telefonike si dhe relacioni i Oficerit të Policisë Gjyqësore, i datës 27 Shtator 2021, numri i telefonit 068 xx xx xxx që përdoret nga Halit Shehu ka biseduar në telefon me një numër tjetër konkretisht numrin 068 xx xx xxx që dyshohet se përdoret nga shtetasi Fitim Farruku, me detyrë punonjës i Këshillit të Qarkut Dibër”, thuhet në njoftimin nga SPAK.
Sipas dosjes, bazuar në bisedat telefonike dhe relacionin e Oficerit të Policisë Gjyqësore, më datën 27 shtator 2021, Halit Shehu ka biseduar në telefon me Fitim Farrukun, me detyrë punonjës në Këshillin e Qarkut Dibër.
Referuar bisedës, rezulton se Haliti bën përpjekje të punësohet si mësues, por e ka të vështirë. Për këtë kërkon ndihmën e Fitimit, i cili i ka thënë që të marrë diplomën dhe në CV dhe të nesërmen të takohen . Më pas Haliti komunikon me bashkëshorten dhe nga biseda ajo i kërkon që të takojë Fitimin., pasi ky i fundit ka miqësi me drejtorët që kanë në dorë punësimin e tij.
Me datejet nga dosja, më tej është zbuluar se bashkëshortja e udhëzon Halitin që t’i japë lekët që ka me vete. për këtë ajo e pyet nëse i ka me vete dhe ai i thotë që ka 80.000 lekë. Ajo i thotë që t’ja japë atij ato.
Më pas Haliti bashkëbisedon sërish me bashkëshorten, e cila i thotë se ajo punë ka mbaruar dhe se do të punësohet pasi ai t’ia japë shumën e parave Fitimit, ndërkohë që takimi mes tyre është lënë paraditen e datës 28 shtator.
Pas përgjimeve, ata janë vënë nën vëzhgim nga policia gjyqësore. Nga përgjimi i bisedave telefonike dhe vëzhgimi i ambientit është parë se Haliti dhe Fitimi janë takuar në një lokal në Dibër dhe Haliti i ka dhënë një zarf, në të cilin dyshohet se janë paratë.
Pas disa minutash, ata janë ndarë me njëri- tjetrin dhe Fitimi është larguar bashkë me zarfin, ndërsa më pas ka telefonuar një person tjetër dhe janë lënë të takohen. Oficerët kanë mbajtur nën vëzhgim takimin e tyre dhe më pas i kanë kapur. Nga kontrolli personal, ka rezultuar se në zarfin e bardhë të Fitimit janë gjetur 100 mijë lekë. Ndërkohë nga verifikimi i bërë i personit që po takohej me Fitimin ka rezultuar se është Lulëzim Dani, bashkëshorti i Brikena Danit, e cila është me detyrë Përgjegjëse e Zyrës Arsimore Dibër. Nga kontrolli i tij ka rezultuar se në telefonin e tij ai kishte regjistruar numrin e telefonit që Fitim Farruku kishte biseduar më parë.
