Kryeministri Edi Rama ka vlerësuar Reformën në Drejtësi, duke deklaruar se 10 vite pas nisjes së saj, ajo ka arritur të rrëzojë atë që ai e cilësoi si “kultin 100-vjeçar të pandëshkueshmërisë”.
Gjatë prezantimit të projektndryshimeve në Kodin e Procedurës Penale, Rama tha se reforma ka treguar si forcën, ashtu edhe dobësitë e saj, ndërsa theksoi se tashmë synohet një ekuilibër më i madh mes pushtetit të drejtësisë dhe të drejtave të individit.
Në një kohë kur SPAK ka ndërmarrë një sërë hetimesh dhe goditjesh ndaj zyrtarëve dhe ish-zyrtarëve të niveleve të ndryshme të qeverisë së tij, Rama u ndal te bilanci i reformës, duke e cilësuar atë si një kthesë të rëndësishme në sistemin e drejtësisë.
“10 vite më parë i kemi dhënë fuqi drejtësisë. Ndryshuam Kushtetutën, çliruam drejtësinë nga pushteti. Në 10 vjet u shembu kulti i pandëshkueshmërisë. Kemi parë rezultate. Nëse deri tani e kemi forcuar kryesisht krahun e peshores ku anon fuqia e të drejtës së njeriut përballë shtetit. Në Shqipëri peshorja e drejtësisë anon dukshëm nga pesha represive e shtetit.
Edhe sot, po të pyesësh IA, se cili vend mban barrën e paraburgimeve, përgjigjja vjen; Albania. Kjo tregon se 62 % e njerëzve në burgjet shqiptare janë të paraburgosur, mbahen në burg për atë që akuzohen jo për ndonjë dënim që kanë marrë. Mesatarja ishte 26%. Ose ndryshe, Shqipëria ishte dy herë më keq se mbarë Europa.
Ky nuk është mallkim rajonal, por problem i rëndë shqiptar, që Kuvendi duhet ta adresojë si problem në letër. Si mund ta pranojmë faktin se krahasimi me Rusinë, të jetë dhe më tronditës, ku të paraburgosurit janë 30% të popullsisë në burgje, aq sa gjysma e popullsisë së Shqipërisë që negocion për në BE. Të nderuar prokurorë dhe gjykatës, nuk mund të vazhdojmë me shifra të tilla, pas tyre ka drama njerëzish, trauma fëmijësh.
Jemi vend i vogël dhe një popull që vjen nga histori traumatike për t’i bërë vetes dëme kolosale të një politike penale. Ka dëme ndaj një shoqërie që nuk bëhet më e mirë, kur peshorja anon ndjeshëm ndaj represioneve. Kjo lebeti çnjerëzore nuk lindi dje”, tha ai.
Discussion about this post