Kryeministri shqiptar Edi Rama ka qënë personazhi i radhës në shfaqjen televizive Fratelli di Crozza me regji të Maurizio Crozza, dhe që transmetohet në kanalin Nove në Itali.
Në qendër të ironisë ka qenë marrëveshja e kryeministrit Rama me Giorgia Melonin, për emigrantët nga Afrika.
Në video duket sikur po zhvillohet një dialog mes Crozza dhe Ramës, i cili u vu menjëherë në dispozicion për të ndihmuar Italinë për emigrantët.
Me një theks të paqartë sicilian kryeministri shqiptar, i drejtohet Melonit gjatë gjithë intervistës për të marrë miratim e saj, dhe kur pyetet pse i drejtohet gjithmonë për miratim Melonit, ai thotë se është për shkak të zakonit.
Në dialogun virtual Rama pyetet nga moderatori se çfarë do të bëjë Shqipëria që të hyjë në BE, ai shprehet se vendi i tij është atje, edhe nëse nuk është BE.
Më pas ai shton se Italia dhe Shqipëria janë një familje, dhe se në familje pyetet, se jemi pothuajse të njëjtë dhe se Italia është e para dhe ne të dytët.
‘Shqipëria dhe Italia jemi të sjellshëm, puthim duart në shenjë respekti. Një fytyrë dhe një deng me lekë (korrupsionin e kemi njëlloj)’ shprehet ‘Rama’ në video.
Discussion about this post