Ka mbërritur në Shqipëri kortezhi me trupin e pajetë të kryepeshkopit Anastas Janullatos ndërsa dhjetëra qytetarë nga Dropulli, Finiqi, Gjirokastra dhe Saranda janë mbledhur në Kakavijë.
Trupi pritet të mbërrijë në Tiranë në orën 16:00 në katedralen “Ngjallja e Krishtit” ku do të zhvillohen më pas homazhe gjatë pasdites dhe të mërkurën. Ceremonia e varrimit do të bëhet të enjten në orën 11.00, pas Liturgjisë Hyjnore në katedralen “Ngjalla e Krishtit”.
Në emër të Kishës së Greqisë, do të jetë i pranishëm nënkryetari i Sinodit të Shenjtë, Mitropoliti i Nafpaktos dhe Shën Vlashit Vlasios Ierotheos.
Gjatë rrugës do të ketë ndalesa në zonat që ai shërbeu dhe punoi për rindërtimin e Kishës Autoqefale shqiptare.
Shoqërues të kortezhit do të jenë 4 klerikë shqiptarë, mitropoliti i Apolonisë dhe Fierit, Nikolla, peshkopi i Krujës Anastas dhe priftërinjtë Harallamb Gjoka e Spirodhon Topanxha, bashkëpunëtorë të ngushtë të tij në ringritjen gjalljen e Kishës Ortodokse Autoqefale të Shqipërisë.
Ceremonia mortore do të zhvillohet ditën e enjte në orën 11:00.
Mediat helene shkruajnë se Kryeministri Kyriakos Mitsotakis do të jetë në Tiranë të enjten për të marrë pjesë në funeralin për Kryepeshkopin e ndjerë Anastas Janullatos.
Kujtojmë se pas vdekjes së Kryepeshkopit Anastas Janullatos, Kisha Ortodokse Autoqefale e Shqipërisë shpalli zi kishtare për pesë ditë, nga 25 Janari deri më 29 Janar.
Discussion about this post