Lidhja Demokratike e Kosovës ka deklaruar se Lëvizjes Vetëvendosje nuk ka reflektuar për çështjen e Presidentit. Pasi Lëvizja Vetëvendosja propozoi Glauk Konjufcën për President, LDK thotë se nuk ka parë asnjë përpjekje serioze për ndërtimin e konsensusit për zgjedhjen e presidentit.
Në një postim në Facebook, pasi VV propozoi Glauk Konjufcën për president, kjo parti ka vlerësuar se për shkak qasjes “së papërgjegjshme politike të VV-së, vendi po shkon drejt kalimit të afateve kushtetuese dhe rrezikon të dërgohet në edhe një palë zgjedhje të reja”.
“Qasja e Lëvizjes Vetëvendosje, nuk reflekton një përpjekje serioze për ndërtimin e këtij konsensusi. Përkundrazi, ajo e trajton këtë proces si një garë politike e jo si përpjekje për të arritur dakordim politik. Një qasje e tillë nuk i shërben as frymës së Kushtetutës dhe as nevojës së vendit për stabilitet institucional. Në këtë frymë, Lidhja Demokratike e Kosovës shpreh keqardhje që, për shkak të kësaj qasjeje të papërgjegjshme politike, vendi po shkon drejt kalimit të afateve kushtetuese dhe rrezikon të dërgohet në edhe një palë zgjedhje të reja, në vend të arrihet stabiliteti institucional, të cilin qytetarët tanë e presin dhe e meritojnë”, thuhet në reagimin e LDK-së.
gijotina.com/
Discussion about this post