Ministri Mbrojtjes i Kosovës, Armend Mehaj ka reaguar pas helmimit masiv të qytetarëve në Krujë që nga mëngjesi i së dielës, 25 tetor.
Përmes një postimi në rrjetin social Facebook, Mehaj ka bërë të ditur se ka qenë në kontakt të vazhdueshëm me autoritetet shqiptare dhe ka shprehur gatishmërinë për t’i ardhur në ndihmë Shqipërisë
“Si vëllai për vëllain. Sot gjatë gjithë ditës kam qëndruar në komunikim të vazhdueshëm me autoritetet shqiptare, dhe në vecanti me homologun tim, z. Niko Peleshi, ambasadorin e Republikës së Shqipërisë në Kosovë, z. Qemajl Minxhozi, si dhe zyrtarë të tjerë nga Republika e Shqipërisë për të shprehur gatishmërinë për asistencë të plotë nga ana e Forcës së Sigurisë së Kosovës me rastin e helmimit të qytetarëve në Krujë. Kam kërkuar që të gjitha kapacitetet specialistike të Forcës së Sigurisë së Kosovës të qëndrojnë në gjendje gatishmërie për ofruar të gjithë asistencën e mundshme”, ka shkruan Mehaj në Facebook.
Sipas asaj që shkruan ministri, Kosova do të jetë në dispozicion me të gjitha aftësitë dhe kapacitetet operacionale për të ndihmuar autoritetet e Republikës së Shqipërisë dhe qytetarët e saj.
